Munnligur fyrispurningur til Aksel Johannesen landstýrismann í heilsumálum.

Viðvíkjandi verkfalsraktari laboratoriutænastu í Runavík.

• Hví verður laboratoriutænastan í Runavík rakt av portørverfallinum, tá tað eru bioanalytikarar/laborantar, ið røkja hesa tænastu ?

• Er tað bert í Runavík, at laboratoriutænastan enn einaferð verður rakt ?

• Er landstýrismaðurin kunnaður um støðuna ?

Viðmerkingar

So hendi tað enn einaferð.

Á heimasíðuni hjá Útvarpinum stendur at lesa undir lýsingum mánadagin, 8. februar - 18:15

Frá Landssjúkrahúsinum . Vegna verkfall verður eingin labratorietænasta í Runavík í morgin. Rannsóknarstovan

Laboratoriutænastan í Runavík varð stongd tveir mánaðar seinasta summar.

Síðan bleiv skelti sett á hurðina, at laboratotiið varð stongt frá 1. oktober til 1. januar 2009 vegna sparingar, hóast hesar sparingar einans vóru nakrar fáar túsund krónur.

Tá landstýrismaðurin, eftir fyrispurning um óskilið, hevði staðið fyri skotum í Løgtinginum, har tingfólk úr nærum øllum flokkum gjørdu honum greitt, at tey ikki kundu góðtaka slíkar ógrundaðar sparingar, bleiv trupuleikin loystur. Aksel Johannesen boðaði í hesum sambandi frá, at slíkt skuldi ikki henda aftur, uttan at hann varð fráboðaður.

Tænastan er bert týsdag og í morgin koma brúkarar enn einaferð á stongdar dyr, hesaferð er grundgevingin verkfall.

Trúvirði og trygdin við hesi tænastu hvørvur, um tað er regulin heldur enn undantakið at koma á stongdar dyr, tí neyvan lurta øll eftir útvarpslýsingunum.

Kári P. Højgaard

løgtingsmaður