Ein fegin námsstjóri sýnir á myndini fram henda nýfunnað diamantin, ið er 507 karat. Hetta gevur meira enn 100 gramm í vekt og yvir 100 milliónir krónur í virði. Saman við hesum diamantinum vórðu eisini funnir tríggir aðrir hvítir diamantar, sum vóru 168, 58,50 og 53,30 karat, so námsstjórin, Johann Dippenaar, hevur alla orsøk at vera fegin.
Diamantarnir vórðu funnir í kenda Culinan-náminum í Suðurafrika, ið er kent fyri at hava veitt heiminum nakrar av størstu og fagrastu diamantunum. Felagið, ið rekur námið nevnist Petra Diamonds. 
Heimsins størsti diamantur varð funnin í hesum námið í 1905. Hann var 3106 karat til støddar. Vektin var 612 gramm, og var tað ivaleysa nóg mikið til at skera hann sundur í fleiri flottar steinar, harav summir eru partur av bretsku krúnjuvelunum.
Hesin diamanturin er nummar 19 á listanum yvir stórar diamantar.



Keldur: BBC og Guardian