Í januar 2008 hevði Arto 750 milliónir sýndar síður, men í juli í ár var hetta talið komið niður á 150 milliónir. Brúkarar fara frá Arto í stórum tali, og tíðin, tá nærum øll donsk børn høvdu ein profil á Arto, er farin aftur um bak. Síðan Facebook av álvara fekk fótafesti millum ung og børn í Danmark, er brúkaraskarin tódnaður í stórum. Einu tíðina vóru 800.000 brúkarar skrásettir á Arto, men nú er bert helmingurin eftir. Hesi tøl koma fram í rapport frá FDIM, Foreningen af Danske Interaktive Medier.
Hóast Arto sostatt er minkað, er talan framvegis um eina rættiliga stóra netsíðu, har rættiliga nógv ferðsla er. So er spurningurin, um fólkini handan Arto megna at venda gongdini.

Kelda: FPN